ملحوظات صغيرة:
اولا: النظام اعد خطاب عاطفي بواسطه خبراء نفسيين يعلمون تماما ان الشعب المصري عاطفي
و ثاني يوم فتحوا الانترنت علشان الناس تقع في بعضها.
ثانيا:النظام بدأ يجرنا لكورنر مش واخدين بالنا منه، الناس تبدأ تنشغل بحوار الناس اللي ف الميدان كويسين ولا مش كويسين
الناس اللي في الميدان عملاء ولا مش عملاء، الناس في الميدان فيهم اجانب مندسين ولا مفيهومش، علشان يصرف الأنظار عن السبب الرئيسي لوجودهم كلهم.
ثالثا: النظام نزل المساجين الشارع علشان الناس تبدأ تخاف على امنها.. و بكده بدال ما يروح الميدان 10 هيروح 5 و الباقي هيفضلوا علشان يحموا البيوت و بالمناسبة (ده شغل مخابرات).
رابعا: النظام بدأ يدس متظاهرين في الميدان يرفعوا يفط كوميدية مع عدم انكاري ان في ناس فعلا كانت عملت الموضوع ده من جواها.
بس بدأ الموضوع يزيد و بدأ النظام يبعت ناس بيفط مكتوبة مسبقا "هتلاقوا يفط كتيرة مكتوبة بنفس الخط" لتصدير فكرة ان الناس اللي ف الميدان دي جاية تهرج مش جاية تعزي وطلع ان الموضوع فيه فعلا اجندات.. بس اجندات حكومية.
(لو سمحتوا توقفوا عن نشرها)
خامسا: بدأ النظام يراهن على فكرة الوقت و زهق المصريين ولذلك لو سمحتوا، اللي يقدر ينزل الصبح لو معندوش شغل ينزل الميدان
واللي معندوش شغل تاني يوم الصبح ينزل يقف مع الناس بالليل في الميدان.
سادسا: غمض عينيك.. و تخيل للحظه انك كنت مكان عماد الكبير في القسم، و تخيل انك كنت عايم على المية بعد ما وقعت من مركب مليانه ناس اتخنقت و حاولت تهرب.
و اتخيل للحظة ان حد من اخواتك خد رصاصة في دماغه و هو ماشي في الشارع يقول: "سلمية سلمية".
No comments:
Post a Comment